Eýroaımaqtaǵy jumyssyzdyq 2011 jyldan beri alǵash ret tómendedi
ASTANA. 30 qarasha. QazAqparat - Eýroaýmaqtaǵy jumyssyzdyq deńgeıi 2011 jyldan beri alǵash ret tómendep otyr. Bul týraly «Eurostat» statıstıkalyq agenttigi habarlady.
Atap aıtqanda, Eýraımaqtaǵy 17 eldiń ishinde jumyssyzdyq deńgeıi qazanda 12,1 paıyzǵa deıin túsken. Óńirde 18 mıllıonǵa jýyq adam jumyssyzdyqtyń kúıin keshýde. Sonymen qatar Eýroaımaqtaǵy memleketterde jumyssyzdyq ahýalynda aıtarlyqtaı aıyrmashylyq bar kórinedi. Máselen, Ispanııa men Grekııada onyń deńgeıi 27 paıyz shamasynda bolsa, Avstrııada 5 paıyz kóleminde qalyptasyp otyr. Óńirdegi ekonomıkalyq ósim áli de álsizdeý, ekinshi toqsanda ósim 0,3 paıyzdy qurasa, úshinshi toqsanda 0,1 paıyz deńgeıinde baıqaldy. Eýrokomıssııanyń boljamynsha, 2014 jyly ekonomıkalyq ósim 1,1 paıyzdy, al 2015 jyly 1,7 paıyzdy quraýy yqtımal.
