Eýroaımaqta jumyssyzdyq jańa rekordtyq kórsetkishke jetti
ASTANA. 2 naýryz. QazAqparat - Eýroaımaqtaǵy jumyssyzdyq aǵymdaǵy jyldyń qańtar aıynda 10,7 paıyzǵa jetti, dep habarlandy Eurostat-tyń resmı baspasóz baıanynda.
Reuters agenttiginiń kórsetýinshe, jumyssyzdyqtyń qazirgi deńgeı tarıhı sharyqtaý bolyp esepteledi. Buǵan deıingi rekord 10,3 paıyz bolǵan edi.
Eurostat-tyń baǵalaýynsha, eýroaımaq elderinde jumyssyz qalǵan azamattardyń sany 16,9 mıllıonnan asqan. Ótken 2011 jyldyń qańtarymen salystyrǵanda (jumyssyzdyq deńgeıi 10 paıyz) bıyl eýro aımaǵynda jumyssyzdyq 1,221 mıllıon adamǵa ósken. Eýroodaqtyń 27 elinde 2012 jylǵy qańtarda jumyssyzdyq 10,1 paıyzǵa (24,3 mıllıonǵa jýyq adam) artqan.
EO elderiniń arasynda jumyssyzdyq Ispanııada joǵary (23,3 paıyz) bolǵany tirkelgen. Grekııada 2011 jylǵy qańtardaǵy málimet boıynsha 19,9 paıyz, Irlandııa men Portýgalııada 14,8 paıyzdan bolyp otyr.
Jumyssyzdyqtyń eń tómengi deńgeıi Avstrııada (4 paıyz), Nıderlandyda (5 paıyz) jáne Lıýksembýrgte (5,1 paıyz) baıqalýda.
