Eýroaımaqta jumyssyzdyq naýryz aıynda 10,9 paıyzǵa jetti
ASTANA. 3 mamyr. QazAqparat - Eýroaımaqtaǵy jumyssyzdyq 2012 jylǵy naýryz aıynda aǵymdaǵy jylǵy aqpandaǵy 10,8 paıyzdan 10,9 paıyzǵa deıin kóterildi, dep habarlady FINMARKET.RU.
Bul málimetterdi Eýropalyq statıstıka basqarmasy jarııalaǵan. Bloomberg agenttigi júrgizgen saýaldamada taldamashylar da osyndaı boljam jasaǵan bolatyn Jumyssyzdyqtyń bul kórsetkishi 1997 jylǵy sáýirden beri eń joǵary shegine jetip otyr.
2011 jylǵy naýryzda jumyssyzdyq deńgeıi 9,9 paıyzdy quraǵan edi. Eýropalyq odaqta jumyssyzdyq sany 10,2 paıyzǵa jetken. Osy jylǵy aqpanmen salystyrǵanda kórsetkish turaqty. 2011 jyly naýryzda jumyssyzdyq 9,4 paıyz kóleminde bolǵan edi.
Sonymen Eýropalyq odaqta 2012 jylǵy naýryz aıynda 24,772 mln. erler men áıelder jumyssyz bolyp otyr, olardyń 17,365 mıllıony eýroaımaqta turady.
EO múshe-elderindegi jumyssyzdyqtyń tómengi deńgeıi Avstrııada (4%), Nıderlandyda (5%), Lıýksembýrgte (5,2%) jáne Germanııada (5,6%) tirkelgen. Eń joǵary kórsetkish - Ispanııada (24,1%) jáne Grekııada (2012 jylǵy qańtarda 27,1%). EO-daǵy jumyssyzdar arasyndaǵy 25 jasqa deıingi jastar 5,516 mln. adamdy quraıdy.
