Eýroaımaqta jumyssyzdyq kezekti rekordtyq kórsetkishke deıin ósti
ASTANA. 1 maýsym. QazAqparat - 2013 jylǵy sáýirde eýro aımaǵynda 17 elde jumyssyzdyq 12,2 paıyzdyq jańa rekordtyq deńgeıge jetti. Mundaı málimetter Eýrostat materıaldarynda keltirilgen, dep habarlady Rosbalt.
Tutastaı alǵanda, Eýroodaqta (27 el) sáýirde jumyssyzdyq naýryzdaǵy 11 paıyzdyq deńgeıde qaldy.
Eýrostattyń atap ótýinshe, jumyssyzdyq jyldyq eseppen alǵanda 2012 jyldyń sáýirinde 11,2 paıyzdy quraǵan bolsa, tutastaı alǵanda Eýroodaqta 10,3 paıyzdy qurady.
Sáýir aıynda Eýroodaqtyń 27 elinde 26,588 mln. adam jumyssyzdar qatarynda boldy, sonyń ishinde 19,375 mıllıony - eýroaımaq elderinde. Budan burynǵy aqpan aıymen salystyrǵanda jumyssyzdyq Eýroodaqta da, eýroaımaqta da ósti. Jyldyq eseppen sáýirdegi jumyssyzdyqtyń ósýi tıisinshe 104 myń jáne 95 myń adam boldy.
Múshe-memleketter arasynda jumyssyzdyqtyń eń tómengi kórsetkishi Avstrııada (4, (4,9%), Germanııada, (5,4%), Lıýksembýrgte (5,6%), al eń joǵary kórsetkish - Grekııada (2013 jylǵy aqpanda 27%) Ispanııada (26,8%) jáne Portýgalııada (17,8%) tirkeldi.
