Eýroaımaqta jumyssyzdyq deńgeıi ósýde
BRıÝSSELЬ. 9 qańtar. QazAqparat - «Eýrostat» eýropalyq statıstıkalyq agenttigi 2012 jyldyń qarasha aıy boıynsha jańa málimetterdi jarııalady,
olarǵa sáıkes eýro aımaǵynyń 17 elindegi jumyssyzdyq deńgeıi 2012 jyldyń qazan aıymen salystyrǵanda 0,1 paıyzdyq deńgeıge artyp, 11,8 paıyzdy qurady.
Bul týraly Eýrokomıssııanyń baspasóz qyzmetinen habarlaıdy.
Eýrostattyń málimetterinshe, EO-nyń 27 elindegi 26 mıllıon adam jáne eýroaımaqtyń 17 memleketindegi 18 mıllıon adam jumyssyz bolyp tabylady. 2012 jyldyń qazan aıymen salystyrǵanda EO-nyń 27 memleketindegi jumyssyzdar sany 154 myń adamǵa, eýro aımaǵynda 113 myń adamǵa ósti.
Eýroodaqqa múshe memleketterdiń arasynda jumyssyzdyqtyń eń tómengi kórsetkishteri Avstrııada (4,5 paıyz), Lıýksembýrgte (5,1 paıyz), Germanııada (5,4 paıyz) jáne Nıderlandyda (5,6 paıyz) tirkeldi. Jumyssyzdyqtyń eń joǵary deńgeıi - Ispanııa (26,6 paıyz) men Grekııada (26,0 paıyz).
