Eýroaımaq elderiniń basshylary 1 naýryzda sammıttiń ornyna qysqa kezdesý ótkizedi
ASTANA. 29 aqpan. QazAqparat - Eýroaımaq elderiniń basshylary 1 naýryzda Eýropalyq odaq memleketteri basshylarynyń otyrysy aıaqtalǵannan keıin kútilgen sammıttiń ornyna qysqa kezdesý ótkizedi, dep habarlady RBK.
Kezdesý Herman van Rompeıdiń EO Keńesi tóraǵasy qyzmetine qaıta saılanýyna arnalmaq, dep habarlady Reıter dıplomatııalyq toptaǵy derekkózge silteme jasap.
Eske salyp óteıik, H.van Rompeı úshin bul keńes basshysy qyzmetindegi ekinshi jáne sońǵy merzim bolmaq. Onyń quzyretine EO kóshbasshylarynyń otyrysyn ǵana emes, eýro aınalymy aımaǵyna kiretin memleketter basshylarynyń shaǵyn quramdaǵy keńesterin shaqyrý da kiredi.
Budan buryn eýroaımaq elderiniń kóshbasshylary bólek otyrys barysynda Grekııadaǵy jaǵdaıdy jáne eýropalyq turaqtandyrý tetiginiń nesıelik áleýetin keńeıtý týraly máseleni talqylamaq bolǵan. Derekkózderdiń málimetterine qaraǵanda, bul kezdesý resmı kún tártibine engizilgen joq. Turaqtandyrý qoryn keńeıtý máselesi keıinirek naýryz aıynda talqylanbaq. Yqtımal merzim - 12 naýryz, bul kúni eýroaımaq elderi qarjy mınıstrleriniń kezdesýi ótedi.
