Eýroaımaq 11 jyldan keıin alǵash ret paıyzdyq mólsherlemeni kóterdi

NUR-SULTAN. QazAqparat – Eýropanyń ortalyq banki (EOB) eýroaımaqtaǵy qarqyndy ósip kele jatqan ınflıatsııanyń ósýin tejeý úshin 11 jyl ishinde alǵash ret paıyzdyq mólsherlemeni kóterdi, dep habarlaıdy QazAqparat VVS agenttigine silteme jasap.

Mólsherleme 0,5 paıyzdyq tarmaqqa 0,0%-ǵa deıin kóterildi. Bank sondaı-aq bıyl osy kórsetkishtiń odan ári ósý múmkin ekenin málimdedi.

2014 jyldan bastap mólsherleme teris bolǵan edi. Bul birneshe jyl baıaý ósip kele jatqan eýroaımaqtyń ekonomıkalyq ósimin yntalandyrý úshin jasaldy.

Alaıda maýsym aıynyń basynan bastap 12 aı ishinde azyq-túlik, otyn jáne energııa kózderi qunynyń kúrt ósýine baılanysty tutyný taýarlarynyń baǵasy rekordtyq deńgeıde 8,6% - ǵa ósti.

Anglııa banki men AQSh Federaldy rezervtik júıesi baǵanyń ósýin tejeý maqsatynda óz mólsherlemelerin kótergennen keıin EOB da mólsherlemeni kóterdi.

Ýkraınadaǵy soǵys jáne COVID-19 pandemııasyna baılanysty problemalar álem boıynsha kúndelikti shyǵyndardyń ósýine ákeldi.

Foto: gannett-cdn.com