Eýroatlantıkalyq áriptestik keńesi konferentsııasynyń kúni belgisiz ýaqytqa shegerildi
ASTANA. Sáýirdiń 19-y. QazAqparat /Arman Asqarov/ - Ázirbaıjannyń astanasy - Baký qalasynda Jappaı qyryp-joıatyn qarýdy taratpaý máselesine arnalǵan Eýroatlantıkalyq áriptestik keńesi konferentsııasynyń kúni belgisiz ýaqytqa shegerildi. Oǵan Soltústik jáne Ortalyq Eýropa áýe keńistiginiń jabylýy sebep bolyp otyr, dep habarlaıdy QazAqparat QR Syrtqy ister mınıstrliginen túsken shuǵyl aqparatqa silteme jasap.
Aıta keteıik, búgingi aptalyq brıfıngte QR Syrtqy ister mınıstrliginiń resmı ókili Asqar Ábdirahmanov erteń, sáýirdiń 20-sy kúnine josparlanǵan Eýroatlantıkalyq áriptestik keńesi konferentsııasyna Eýropadaǵy qaýipsizdik jáne yntymaqtastyq uıymynyń qazirgi tóraǵasynyń arnaıy ýákili - QR Syrtqy ister mınıstriniń orynbasary Konstantın Jıgalovtyń qatysatyndyǵy týraly habardar etken bolatyn.
NATO basshylyǵynyń arnaıy shaqyrýymen konferentsııa jumysyna qatysatyn K.Jıgalov Elbasy Nursultan Nazarbaevtyń Vashıngtonda ótken ıAdrolyq qaýipsizdik jónindegi Sammıtinde jarııa etken usynystaryna sáıkes Qazaqstan Respýblıkasynyń ıadrolyq qaýipti qysqartýǵa qatysty ustanymy jaıynda baıandaıdy. Sondaı-aq, ol óziniń ázirbaıjandyq áriptesterimen eki jaqty keńester ótkizedi dep josparlanǵan bolatyn.
