EÝRO2020: «Sazgen sazy» Freddı Merkıýrıdiń daýsymen kollaboratsııa jasady
QR eńbek sińirgen qaıratkeri, «Qurmet» ordeniniń kavaleri, «Sazgen sazy» ansambliniń kórkemdik jetekshisi Baǵdat Tilegenov án men beıneklıptiń qalaı ázirlengenin aıtyp berdi.
«Dáýit Shaıhıslamov maǵan habarlasyp, Freddı Merkıýrıdiń akapelalyq daýysy bar ekenin aıtyp, osy jobany jasaýdy usyndy. ıAǵnı osy daýysqa qazaqtyń ulttyq aspaptarymen aranjırovka jasaý kerek edi. Oıǵa alǵan isti jasap kórdik, qazaqtyń halyq aspaptary: qobyz, jetigen, dombyra, sherter, sybyzǵy, sazsyrnaı, prıma-qobyz jáne basqa da aspaptardy qoldandyq», - deıdi B. Tilegenov.
Án jasaý úshin bir aı ýaqyt jumsalǵan. Oǵan ansambldiń 20 múshesi qatysty.
Aranjırovka jumystaryn Marat Jalbyrov jasaǵan. Ol partıtýralar jazyp, árbir aspapqa nota daıyndaǵan. Stýdııada ansaml músheleriniń qulaqqabynda Freddı Merkıýrııdiń taza daýysy estilip turdy. Osylaısha, barlyǵy brıtandyq ánshiniń daýysyn tyńdap, óz partııasyn oınaǵan.
«Ár aspap úshin mýzykalyq partııalar jazý kerek boldy. Bul – kóp ýaqytty qajet etetin jumys. Basynda ne shyǵady eken dep senbep edik. Biraq jobaǵa kirisken soń, shabyttanyp, jobanyń sátti shyǵaryna senimdi boldyq. Ár repetıtsııada mýzykanttar ánge úlken yqylaspen kiristi. Radıoqulaqqaptardyń kómegimen partııalar jazyldy. Dybys avtory – Sergeı Lobanov. Ol eldegi eń myqty stýdııalyq dybys ınjenerleriniń biri», - dedi Baǵdat Tilegenov.
Ansambl Eýropa chempıonatynyń fınaly qarsańynda Anglııa quramasyna tosynsyı, mýzykalyq syılyq jasaǵysy keldi. Sondyqtan klıpte ótken jyldardaǵy quramanyń jeńisti oıyndarynan úzindiler qosylǵan.
«We are the champions» ánin 1985 jyly Ýemblı stadıonynda «Queen» toby oryndaǵan edi. Al búgin keshke «Ýemblı» stadıonynda Anglııa Italııaǵa qarsy oınaıtyn fınal ótedi. Vıdeoda Qazaqstannyń tańǵajaıyp tabıǵaty, Kólsaı kólderi, Býrabaı beınelengen. Munda «Kazakh Tourism» ulttyq kompanııasymen yntymaqtastyqty atap ótkim keledi. Biz de kompanııanyń ustanymyn qoldaımyz –biregeı tabıǵatymyzdy tanytqymyz keledi. Qazir ishki týrızm belsendi damyp keledi. Sheteldikter osy vıdeony kórip, tabıǵatymyzdy tamashalaǵanyn qalaımyz, sondyqtan týrısterdi tańǵajaıyp jáne ádemi elimizge shaqyrǵymyz keledi», - deıdi ıdeıa avtory, tanymal prodıýser Dáýit Shaıhıslamov.
Dáýit Shaıhıslamovtyń aıtýynsha, «Sazgen sazy» ansamblimen birlesken jumys munymen aıaqtalmaıdy. Djon Lennon, Freenk Sınatra, Selın Dıonnyń daýysymen osyndaı jobalar jasaý josparlanyp otyr.
Aıta keteıik, joba rejısseri – Dáýit Shaıhıslamov, prodıýserler – Málik Hasenov, Dana Ormanbaeva, Sanat Shapashov. Montaj – Anton Kasıanenko, operatorlar – Danııar Jangóbekov, Maqsat Ábdikárimov, Іlııas Shýashpaev. Sondaı-aq, kollaboratsııa «Kazakh Tourism» ulttyq kompanııasynyń qoldaýymen jasalǵan.
