Eýro ómir súredi: eýroaımaq elderiniń kóshbasshylary daǵdarystan shyǵar joldy tapty
ıÝSSELЬ. 22 shilde. QazAqparat /Dımash Syzdyqov/ - Brıýsselde eýroaımaqqa múshe 17 eldiń memleket jáne úkimet basshylarynyń shuǵyl otyrysynda Italııa, Ispanııa, Portýgalııa jáne Irlandııa sııaqty qıyn qarjylyq máselelerdi bastan keshirip otyrǵan
elderge tarap ketýi múmkin Grekııadaǵy daǵdarystan shyǵar jol tabyldy. Bul týraly kezdesý qorytyndysy boıynsha Eýroodaq Keńesiniń prezıdenti Herman Van Rompeı habarlady.
«Men eýroaımaqtaǵy onsyz da qıyn jaǵdaıdyń óristeı túsýine jol bere almaımyn. Ulttyq qaryzdar saldarynan daǵdarystyq jaǵdaı eýrooımaqqa qaýip tóndiretin júıeli máselege aınala jazdady. Bul qaýip joıylýy tıis, olaı bolmaǵan jaǵdaıda bizdiń ortaq valıýtamyzǵa degen senimniń joǵalýyna, tipti qalpyna kelip jatqan eýropalyq jáne álemdik ekonomıkaǵa da qaýip tónýi múmkin», - dedi H. Rompeı.
Eýroodaq basshysy atap ótkendeı, kezdesý barysynda eýroaımaqqa múshe barlyq elder tarapynan qoldaý tapqan úsh mańyzdy sheshimge qol jetkizildi.
Aıtap aıtsaq, grekııa qaryzynyń máselesi qarjylyq jetispeýshilikti tolyqtaı jabý úshin Eýroodaq pen Halyqaralyq valıýta qory tarapynan qarjylandyrylatyn jańa baǵdarlamany qabyldaý jolymen sheshildi.
