Eýro Odaqtaǵy jeke tulǵalar sanktsııasynyń tizimi ósip keledi
BRıÝSSELЬ. QazAqparat - Eýro Odaq KHDR-ǵa qarsy sanktsııalardyń tizimine engizilgen jeke tulǵalar qataryna taǵy 17 adamdy qosty, dep habarlaıdy «QazAqparat» HAA menshikti tilshisi.
«Sanktsııalar BUU Qaýipsizdik Keńesi rezolıýtsııasyn elemeı ıadrolyq jáne ballıstıkalyq baǵdarlamalaryn jedel damytyp jatqan KHDR-ǵa degen qysymdy qoldaý quraly retinde qabyldanǵan», - dep jazylǵan EO Keńesiniń habarlamasynda.
17 adam «BUU jáne shet memleketter salǵan sanktsııalardan jaltaryp, zańsyz saýda áreketterine barǵany úshin» jeke tulǵalar tizimine ilikken.
Qazirgi ýaqytta Eýro Odaqtyń KHDR-ge salǵan sanktsııasynyń jeke tulǵalar tizimine 58 jeke jáne 10 zańdy tulǵa enip otyr.
BUU sanktsııasynyń tolyq tiziminde barlyǵy 79 jeke jáne 54 zańdy tulǵa bar.
