Eýro odaq 30 myńǵa jýyq adamǵa kóshi-qondy zańsyz uıymdastyrdy degen kúdik taqty
BRıÝSSELЬ. QazAqparat - Jyl basynan beri Eýroodaq elderiniń quqyq qorǵaý organdary mıgranttardyń kontrabandalyq faktileri boıynsha 1400-ge jýyq belgisiz bolyp kelgen isti ashty. Talqylaý aıasynda 30 myńǵa jýyq adamǵa kúdik taǵyldy.
Bul derekterdi «Eýropol» basshysy Rob Ýeınraıt aǵylshyndyq «Press Association» aqparattyq agenttigine bergen suhbatynda keltirdi. «Jyl basynan beri deldal boldy degen kúdikpen 1400 is ashyldy, - dedi Rob Ýeınraıt. - Bul jaǵdaılarda biz túrli qylmystyq sındıkattar deńgeıinde 30 myńǵa jýyq kúdikti kontrabandylardy anyqtadyq». «Eýropol» dırektory adam saýdasymen aınalysatyn qylmystyq top týraly aıtty.Olardyń músheleri qurbandaryn tartý úshin áleýmettik medıa keńistikti paıdalanyp óz tásilin turaqty jetildirip otyrady. Rob Ýeınraıttyń aıtýynsha, Eýropalyq odaq bıligi bosqyn atyn jamylyp «Islam memleketi» lańkestik tobynyń sodyrlary Eýroodaq aýmaǵyna ótip ketýi múmkin dep qaýiptenedi. Aıta ketý kerek, qazirgi ýaqytta EO elderi Ekinshi dúnıejúzilik soǵys kezindegi iri kóshi-qon daǵdarysyn basynan keship otyr. Segiz aıda EO elderine Jer orta teńizi arqyly 400 myńǵa jýyq adam zańsyz ótpek boldy. Olardyń 3 myńǵa jýyǵy qaza tapty.
