Eýro-niń eki kúninde Kıev jankúıerleri 30 myń lıtr syra iship qoıdy
ASTANA. 11 maýsym. QazAqparat - Eýro-2012-niń alǵashqy eki kúninde Kıevtiń jankúıerlerge arnalǵan alańdarynda resmı emes esepteýler boıynsha, 60-tan 100 myńǵa deıin jankúıer boldy.
Bul týraly «Ýkraına-2012» Aqparattyq ortalyǵynan habarlandy.
Qala jankúıerlerdiń negizgi legin Ýkraına ulttyq quramasynyń alǵashqy matchy ótetin - 11 maýsymda kútedi.
Fan-aımaqtyń alǵashqy rekordy týrnır ashylǵan - 8 maýsym kúni ornatyldy. Uıymdastyrýshylardyń aıtýynsha, Reseı-Chehııa matchy kezinde fan-aımaqta 30 myń jankúıer boldy.
Fan-aımaq jumys istegen eki kúnniń ishinde 30 myń lıtr syra, 10 myń hot-dog pen 3 myń balmuzdaq satyldy.
