EURO: Qazaqstan jasóspirimder quramasy irikteý satysyn sátti bastady
ASTANA. KAZINFORM - Fýtboldan 17 jasqa deıingi Qazaqstan jasóspirimder quramasy Eýropa chempıonaty ekinshi irikteý satysyn sátti bastady.
Qazaqstandyq fýtbolshylar búgin, 19 naýryzda Grýzııamen sheberlik baıqasty.
Kezdesý barysynda qazaqstandyq quramadan Dáýlet Orynbasar 48, 75, Ismaıl Bekbolat 55-mınýtta mergendik tanytty.
Osylaısha qazaqstandyq fýtbolshylar qarsylasyn 3:0 esebimen tize búktirip, alǵashqy oıynyn sátti bastady.
Endi olar aldaǵy oıynyn 25 naýryzda Lıtvaǵa qarsy ótkizedi.
Eske salsaq, búgin fýtboldan Qazaqstan quramasy Kıýrasaomen joldastyq kezdesý ótkizedi.
2026 jylǵy álem chempıonaty irikteý satysynda Qazaqstan quramasy J tobynda synǵa túsedi.
Qarsylastary — Belgııa, Ýels, Soltústik Makedonııa jáne Lıhtenshteın.
Matchtar 2025 jyldyń naýryzynda bastalyp, qarasha aıynda aıaqtalady.