Eýro-5 talaptaryna saı 60 ekologııalyq avtobýs Almaty kóshelerine shyqty
Avtobýs parkin jańartý jáne qalanyń qozǵalys baǵdarlary jelisin ulǵaıtý boıynsha kólik reformasy sheńberinde «Astana Motors» kompanııasy elimizde qurastyrylǵan Golden Dragon 18 metrlik jańa 60 ekologııalyq avtobýstardy shyǵardy.
«18 metrlik avtobýstardyń syıymdylyǵy asa qarqyndy jolaýshylar aǵyny bar qalalyq baǵdarlarǵa qyzmet kórsetýge múmkindik beredi. Golden Dragon barlyq biriktirilgen avtobýstardyń qozǵaltqyshtary gazben jumys isteý úshin beıimdelgen, janý kezinde zııandy zattardyń eń az mólsheri paıda bolady, bul qalalyq kólik úshin óte mańyzdy. Aldaǵy tórt jylda bul otyn túrine el boıynsha 50 myń birlik avtokólikti aýystyrý josparlanyp otyr» delingen habarlamada.
Barlyq avtobýstar Eýro-5 standartynyń talaptaryna saı. Tómen qabatty avtobýstardyń keń salonynda barlyq qaýipsizdik, beınebaqylaý, aqparattandyrý, dıspetcherlermen baılanys júıeleri bar, kondıtsıoner bar. Múmkindigi shekteýli jolaýshylarǵa yńǵaıly bolý úshin arnaıy mehanıkalyq platformalar qarastyrylǵan. Avtobýstardyń syıymdylyǵy - 150 jolaýshy, 36 - otyratyn oryn jáne 1 - múmkindigi az jolaýshylar úshin.
«Kompanııa otandyq avtobýstardy shyǵarýdy jolǵa qoıdy jáne jolaýshylar men júrgizýshilerdiń barynsha qolaılylyǵy úshin tasymaldaýshylardyń barlyq suranystaryn esepke alýǵa múmkindigi bar. Otandyq avtobýstardy shyǵarý elimizdiń asa tozǵan qoǵamdyq kóligin jańartý jónindegi memlekettik baǵdarlamany tabysty iske asyrýǵa septigin tıgizetinine senimdimiz. Elimizdiń avtobýs parkteri úshin qolaıly qarjylyq jaǵdaı jasalǵan jáne olar tehnıkany yńǵaıly sharttarmen qarjy lızıngine satyp ala alady», - deıdi «Astana Motors» kompanııasynyń bas dırektory Beknur Nesipbaev.
Avtobýstar QR Indýstrııa jáne ınfraqurylymdyq damý mınıstrligi men «QDB-Lızıng» AQ baǵdarlamasyn júzege asyrý aıasynda qoǵamdyq kólikti otandyq avtobýstarmen jańartý jáne jańǵyrtý boıynsha satyp alynǵan. Atalǵan baǵdarlama Qazaqstan Respýblıkasy Úkimetiniń qoldaýymen iske qosyldy jáne eldiń avtobýs parkine kelisim-shart qunynyń 15% bastapqy jarnasymen 7 jyl merzimge nesıe berý mólsherlemesimen tehnıka satyp alýǵa múmkindik beredi. Qazirgi ýaqytta búkil el boıynsha asa tozǵan, paıdalaný merzimi 12 jyldan asqan 6 myńnan astam avtobýs tirkelgenin eskersek, atalmysh baǵdarlama jolaýshylar tasymaly jelisinde halyqqa qyzmet kórsetý sapasynyń deńgeıin arttyrýǵa múmkindik beredi.
