EURO-2027: fýtzaldan Qazaqstan áıelder quramasy jarysty negizgi kezeńde aıaqtady
ASTANA. KAZINFORM — Fýtzaldan Qazaqstan áıelder quramasy 2027 jylǵy Eýropa chempıonatynyń negizgi kezeńinen shyǵa almady.
Otandastarymyz A tobynda synǵa tústi. Qarsylastary — Chehııa, Belarýs jáne Norvegııa.
Otandastarymyz Chehııaǵa 2:7. Norvegııaǵa 0:9, Belarýske 1:4 esebimen ese jiberdi.
Bul topta alǵashqy eki orynǵa ıe bolǵan Norvegııa men Chehııa jarysty jalǵastyrýǵa múmkindik aldy.
Ulttyq quramanyń aǵa bapkeri Sáken Naýkenov jarystyń bul kezeńinde tómendegi oıynshylarǵa senim bildirdi.
Qaqpashylar: Svetlana Geınıts, Zýleıra Ábisheva (ekeýi de — «Qaırat»);
Alańdaǵy oıynshylar: Jansaıa Áýbákir, Svetlana Stýpına, Lýnara Myńjasar, Laýra Shýtova (barlyǵy «Qaırat»), Aıajan Shambaeva, Mılana Tkach (ekeýi de — «Atyraý»), Ásem Qarajanova, Valerııa Akıeva (ekeýi de — «Aqtóbe»), Aısana Zeken («Astana»), Lıýdmıla Konopleva («Alliance Astana»), Danıra Alkanova, Ramına Imanjanova, Gúlim Kenjetaı (úsheýi de — «Qaırat» fýtzal).
Al B tobynda Bosnııa jáne Gertsegovına, Serbııa, Anglııa, Lıtva, C tobynda Slovenııa, Frantsııa, Soltústik Irlandııa, Latvııa synǵa túsedi.
Árbir toptyń jeńimpazy men úzdik nátıjege qol jetkizgen eki qurama jarystyń kelesi satysyna shyǵady.
