EURO-2027: fýtzaldan Qazaqstan áıelder quramasy irikteý kezeńin sátsiz bastady
ASTANA. KAZINFORM - 2027 jylǵy Eýropa chempıonatynyń negizgi kezeńinde fýtzaldan Qazaqstan áıelder quramasy alǵashqy oıynyn Chehııaǵa qarsy ótkizdi.
Bul kezdesýde qarsylastarymyz qarsylasyna 2:7 esebimen jeńilip qaldy. Olardyń qatarynan Ásem Qarajanova men Jansaıa Áýbákir mergendik tanytsa, Zýleıra Ábisheva penaltıdi sátti oryndaı alǵan joq.
Otandastarymyz A tobynda synǵa túsedi. Qarsylastarymyz - Chehııa, Belarýs jáne Norvegııa. Oıyndar 17-22 naýryz aralyǵynda Norvegııada ótedi.
Endi otandastarymyz 19 naýryzda Norvegııa, 21 naýryzda Belarýspen sheberlik baıqasady. Bul topta búgin Norvegııa men Belarýs 0:0 esebimen teń oınady.
Ulttyq quramanyń aǵa bapkeri Sáken Naýkenov shaqyrylǵan oıynshylar tizimin jarııalady.
Qaqpashylar: Svetlana Geınıts, Zýleıra Ábisheva (ekeýi de - «Qaırat»);
Alańdaǵy oıynshylar: Jansaıa Áýbákir, Svetlana Stýpına, Lýnara Myńjasar, Laýra Shýtova (barlyǵy «Qaırat»), Aıajan Shambaeva, Mılana Tkach (ekeýi de - «Atyraý»), Ásem Qarajanova, Valerııa Akıeva (ekeýi de - «Aqtóbe»), Aısana Zeken («Astana»), Lıýdmıla Konopleva («Alliance Astana»), Danıra Alkanova, Ramına Imanjanova, Gúlim Kenjetaı (úsheýi de - «Qaırat» fýtzal).
Al B tobynda Bosnııa jáne Gertsegovına, Serbııa, Anglııa, Lıtva, C tobynda Slovenııa, Frantsııa, Soltústik Irlandııa, Latvııa synǵa túsedi.
Árbir toptyń jeńimpazy men úzdik nátıjege qol jetkizgen eki qurama jarystyń kelesi satysyna shyǵady.
