EURO-2027: fýtzaldan Qazaqstan áıelder quramasy búgin alǵashqy oıynyn ótkizedi
ASTANA. KAZINFORM — 2027 jylǵy Eýropa chempıonatynyń negizgi kezeńinde fýtzaldan Qazaqstan áıelder quramasy alǵashqy oıynyn ótkizdi.
Otandastarymyz A tobynda synǵa túsedi. Qarsylastarymyz — Chehııa, Belarýs jáne Norvegııa. Oıyndar 17-22 naýryz aralyǵynda Norvegııada ótedi.
Otandastarymyz búgin Chehııamen kezdesse, 19 naýryzda Norvegııa, 21 naýryzda Belarýspen sheberlik baıqasady.
Ulttyq quramanyń aǵa bapkeri Sáken Naýkenov shaqyrylǵan oıynshylar tizimin jarııalady.
Qaqpashylar: Svetlana Geınıts, Zýleıra Ábisheva (ekeýi de — «Qaırat»);
Alańdaǵy oıynshylar: Jansaıa Áýbákir, Svetlana Stýpına, Lýnara Myńjasar, Laýra Shýtova (barlyǵy «Qaırat»), Aıajan Shambaeva, Mılana Tkach (ekeýi de — «Atyraý»), Ásem Qarajanova, Valerııa Akıeva (ekeýi de — «Aqtóbe»), Aısana Zeken («Astana»), Lıýdmıla Konopleva («Alliance Astana»), Danıra Alkanova, Ramına Imanjanova, Gúlim Kenjetaı (úsheýi de — «Qaırat» fýtzal).
Al B tobynda Bosnııa jáne Gertsegovına, Serbııa, Anglııa, Lıtva, C tobynda Slovenııa, Frantsııa, Soltústik Irlandııa, Latvııa synǵa túsedi.
Árbir toptyń jeńimpazy men úzdik nátıjege qol jetkizgen eki qurama jarystyń kelsi satysyna shyǵady.
