EURO-2027: Fýtboldan Qazaqstan jastar quramasynyń tizimi jarııalandy
ASTANA. KAZINFORM – Fýtboldan Qazaqstannyń 21 jasqa deıingi jastar quramasynyń aǵa jattyqtyrýshysy Vladımır Chebýrın 2027 jylǵy Eýropa chempıonatynyń irikteý kezeńindegi aldaǵy eki oıynyna qatysatyn fýtbolshylar tizimin jarııalady.
Qazaqstandyq fýtbolshylar D tobynda synǵa túsip jatyr. Qarsylastary - Anglııa, Slovakııa, Irlandııa, Andorra, Moldova.
Qazirgi tańda jastar quramasy 5 kezdesýde bir ret jeńiske jetip, bir ret teń nátıjege qol jetkizdi, qalǵan kezdesýlerde qarsylastaryna ese jiberdi. Naqty esepterge toqtalsaq, Andorrany 1:0 esebimen qapy qaldyrdy, Moldovamen 1:1 esebimen teń túsken, al Anglııadan 0:2, Andorradan 0:1, Slovakııadan 1:2 esebimen jeńildi.
Іrikteý kezeńi 2025 jyldyń 5 maýsymy men 2026 jyldyń 6 qarashasy aralyǵynda ótedi.
Qaqpashylar quramyna Dýlat Talyspaev («Jetisý»), Sanjar Ernııazov («Qyzyljar»), Mıras Rıhard («Ertis») kirdi. Qorǵaýshylar qatarynda Sultan Asqarov, Salamat Jumabekov, Temirlan Myrzaǵalıev («Qaısar»), Ramazan Kárimov («Ertis»), Álı Turǵanov, Jasulan Ámir («Ordabasy»), Álıhan Serikbaı, Nıkıta Gýbarev («Qyzyljar») bar. Jartylaı qorǵaýshylar retinde Ábınur Nurymbet («Oqjetpes»), Tamerlan Agımanov, Vıacheslav Raskatov, Mıras Omataı («Ertis»), Aıan Baıdáýletov («Aqtóbe»), Oljas Baıbek («Qaırat»), Davıd Esimbekov («Kaspıı»), Músilim Jumat («Qaısar»), Nıkolaı Gorobchenko («Jeńis») ataldy. Shabýylshylar quramynda Gleb Valgýshev («Qyzyljar»), ıAn Trýfanov («Atyraý»), Maǵjan Toqtybaı («Ordabasy»), Ramazan Baǵdat («Qaırat»), Seıf Popov («Altaı») bar.
Komandanyń oqý-jattyǵý jıyny 21 naýryzda Shymkent qalasynda bastalady. Naýryz aıynda jastar quramasy 2027 jylǵy Eýropa chempıonatynyń irikteý kezeńi aıasynda Túrkistan qalasynda eki oıyn ótkizedi. 27 naýryzda Slovakııa, al 31 naýryzda Irlandııa quramasymen kezdesedi.
