EURO-2027: Fýtboldan Qazaqstan jastar quramasyna kimder shaqyryldy

ASTANA. KAZINFORM — Fýtboldan 21 jasqa deıingi jastar arasynda 2027 jylǵy Eýropa chempıonatynyń irikteý kezeńindegi alǵashqy oıynǵa shaqyrylǵan oıynshylar tizimi belgili boldy.

Qazaqstandyq jastar qurlyqtyq dodadaǵy alǵashqy oıynyn Andorra jastar quramasyna qarsy ótkizedi. Match 5 maýsymda elordadaǵy «Astana Arena» stadıonynda ótedi. Bastalýy 19:30–ǵa belgilengen. 

Olar D tobynda synǵa túsedi. Qarsylastary — Anglııa, Irlandııa, Slovakııa, Moldova jáne Andorra.

Komandanyń oqý-jattyǵý jıyny 1 maýsymda Astanada bastalady. Tizimge 25 fýtbolshy engizilgen.

Oıynshylar tizimi tómendegishe:

Qaqpashylar: Sanjar Ernııazov («Atyraý»), Dýlat Talyspaev («Kege»), Mıras Rıhard («Ertis»)

Qorǵaýshylar: Sultan Asqarov, Ramazan Kárimov (ekeýi de — «Jetysý»), Sanjar Ánýarov («Astana»), Aleksandr Mıgýnov, Elhan Saıdov (ekeýi de — «Shahter»), Álı Turǵanov («Ońtústik Akademııasy»), Aleksandr Mrynskıı («Qaırat»), Álıhan Serikbaı («Kaspıı»);

Jartylaı qorǵaýshylar: Ábınur Nurymbet («Turan»), Vıacheslav Raskatov («Ertis»), Darhan Berdibek («Aqtóbe»), Mıras Kóbeev («Isloch», Belarýs), Oljas Baıbek, Ramazan Baǵdat (ekeýi de — «Qaırat»), Nuraly Jaqsylyq («Astana»), Muhammed Eńsebaev («Seýta B», Ispanııa), Davıd Esimbekov («Jetisý»), Hamza Muhametálı («AKAS»);

Shabýylshylar: Gleb Valgýshev («Qyzyljar»), ıAn Trýfanov («Atyraý»), Maǵjan Toqtybaı («Ońtústik Akademııasy»), Artem Lıtosh («Han-Táńiri»).

Eske salsaq, fýtboldan Qazaqstan áıelder quramasy Qyrǵyzstanmen alǵashqy joldastyq kezdesýde jeńiske jetti.