EURO-2027: fýtboldan Qazaqstan jastar quramasy Irlandııadan jeńilip qaldy
ASTANA. KAZINFORM - Fýtboldan Qazaqstannyń 21 jasqa deıingi jastar quramasy 2027 jylǵy Eýropa chempıonatynyń irikteý kezeńindegi jetinshi oıynda Irlandııamen kezdesti.
Oıyn barysynda qarsylastar bir-biriniń qaqpasyna gol soǵatyn múmkindikti izdedi. Kezdesý taǵdyryn 89-mınýtta ırlandııalyq Oızın Gallaher soqqan jalǵyz gol sheshti.
Bas bapker Vladımır Chebýrın jastar quramasyna tómendegi oıynshylardy shaqyrdy.
Qaqpashylar: Dýlat Talyspaev («Jetisý»), Sanjar Ernııazov («Qyzyljar»), Mıras Rıhard («Ertis»);
Qorǵaýshylar: Sultan Asqarov, Salamat Jumabekov, Temirlan Myrzaǵalıev («Qaısar»), Ramazan Kárimov («Ertis»), Álı Turǵanov, Jasulan Ámir («Ordabasy»), Álıhan Serikbaı, Nıkıta Gýbarev («Qyzyljar») bar.
Jartylaı qorǵaýshylar: Ábınur Nurymbet («Oqjetpes»), Tamerlan Agımanov, Vıacheslav Raskatov, Mıras Omataı («Ertis»), Aıan Baıdáýletov («Aqtóbe»), Oljas Baıbek («Qaırat»), Davıd Esimbekov («Kaspıı»), Músilim Jumat («Qaısar»), Nıkolaı Gorobchenko («Jeńis»);
Shabýylshylar: Gleb Valgýshev («Qyzyljar»), ıAn Trýfanov («Atyraý»), Maǵjan Toqtybaı («Ordabasy»), Ramazan Baǵdat («Qaırat»), Seıf Popov («Altaı»).
Qazirgi tańda jastar quramasy 5 kezdesýde bir ret jeńiske jetse, bir ret teń nátıjege qol jetkizip, qalǵan kezdesýde qarsylastaryna ese jiberdi. Aldymen Andorrany 1:0 esebimen qapy qaldyrdy, Moldovamen 1:1 esebimen teń túsken, al Anglııadan 0:2, Andorradan 0:1, Slovakııadan eki márte 1:2, 1:3 esebimen jeńildi.
Endi otandastarymyz aldaǵy úsh oıynyn syrt alańda ótkizedi. Aldymen 25 qyrkúıekte Anglııamen kezdesse, odan keıin 29 qyrkúıekte Irlandııa, 6 qazanda Moldovamen sheberlik baıqasady.
Іrikteý kezeńi 2025 jyldyń 5 maýsymy men 2026 jyldyń 6 qarashasy aralyǵynda ótedi.
