EURO-2026: Qazaqstan WU17 quramasy Bosnııa jáne Gertsogovınamen teń tústi
ASTANA. KAZINFORM - Fýtboldan Qazaqstan 17 jasqa deıingi qyzdar quramasy 2026 jylǵy Eýropa chempıonaty irikteý kezeńinde Bosnııa jáne Gertsogovınamen teń oınady.
Otandastarymyz bul kezdesýde óz qaqpasyna gol jibergen joq. Osylaısha eki týrdan keıin tórt upaı jınaǵan qazaqstandyq fýtbolshylar B3 tobynda kósh basynda keledi. Olar birinshi týrda Grýzııany 4:2 esebimen tize búktirgen edi.
Endi otandastarymyz 30 qazanda Latvııaǵa qarsy oıyn ótkizedi. Birinshi oryn alǵan qurama A lıgasyna joldamaǵa qol jetkizedi. Jarystyń bul kezeńi 2026 jyldyń kóktem mezgiline belgilengen.
Fınaldyq kezeńi sol jyldyń mamyr aıynda Soltústik Irlandııada 3-16 mamyr aralyǵynda ótedi dep josparlanyp otyr.
Eske salsaq, budan buryn fýtboldan Qazaqstan ulttyq quramasynyń bas bapkeri mindetin ýaqytsha atqarýshy Talǵat Baısýfınov qarasha aıynda ótetin eki kezdesýge shaqyrylǵan oıynshylardyń keńeıtilgen tizimin jarııalady.