EURO-2026: Qazaqstan óz tobynda ekinshi oryn aldy

ASTANA. KAZINFORM - Búgin, 12 naýryzda fýtzaldan 2026 jylǵy Eýropa chempıonatyna irikteý kezeńindegi altynshy týrda Qazaqstan quramasy syrt alańda Armenııamen kezdesti.

Kezdesý barysynda armenııalyq quramadan Nıkıta Hromyh 7, 14-mınýttarda gol soqsa, oǵan qazaqstandyq Dáýren Tursaǵulov 16-mınýtta bir golmen jaýap qaıyrdy.

Ekinshi kezeńde Nıkıta Hromyh 24-mınýtta het-trıktiń avtory atansa, armenııalyq qaqpashy Albert Agadjanov 28-mınýtta óz múmkindigin múlt jibergen joq.

Al Albert Agadjanov 33-mınýtta avtogoldyń avtory atandy.

Osylaısha Qazaqstan qarsylasyna 2:4 esebimen ese jiberip, óz tobynda ekinshi oryndy mise tutty.

Topta birinshi oryn alǵan Armenııa qurlyqtyq doda fınaldyq satysyna tikeleı shyqty.

Qazaqstandyq fýtzalshylar 2025 jyldyń qyrkúıek aıynda ótetin ótpeli oıyndary arqyly joldamaǵa talasady.

Aıta ketsek, qazirge deıin Qazaqstan quramasy irikteý kezeńinde bes oıyn ótkizdi. Aldymen Albanııany 2:0 esebimen jeńse, odan keıin Armenııamen 4:4 esebimen teń oınady.

Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tústi.