EURO-2026: Qazaqstan quramasy fýtzaldan irikteý kezeńin jeńispen bastady
ASTANA. KAZINFORM – Fýtzaldan Qazaqstan ulttyq quramasynyń 2026 jylǵy Eýropa chempıonatyna irikteý kezeńindegi alǵashqy oıynyn Albanııaǵa qarsy ótkizdi.
Oıynnyń birinshi kezeńinde qazaqstandyq quramadan Leo óz múmkindigin múlt jibergen joq.
Ekinshi kezeńde Aqjol Dáribaı 39-mınýtta qorytyndy esepti belgiledi.
Osylaısha el quramasy qarsylasyn 2:0 esebimen tize búktirdi.
El quramasy altynshy topta Armenııa, Danııa jáne Albanııamen sheberlik baıqasady. Top jeńimpazy Eýropa chempıonatyna tikeleı joldama alady. Ekinshi oryn alǵandardyń ishinen 8 úzdik qurama ótpeli match oınaıdy.
Іrikteý kezeńi 2024 jyldyń 13 jeltoqsany men 2025 jyldyń 12 naýryzy aralyǵynda bolady.
El quramasy endi 18 jeltoqsanda óz alańynda Armenııany qabyldaıdy.
Al 2025 jyldyń 1 aqpanynda syrt alańda Danııamen oınasa, odan keıin atalǵan quramamen óz alańynda 5 aqpanda sheberlik baıqasady.
Sondaı-aq, 7 naýryzda óz alańynda Albanııany qabyldasa, 12 naýryzda Armenııa quramasyna qonaqqa barady.
Bas bapker Rıkardo Kaka Albanııa men Armenııaǵa qarsy eki kezdesýde tizimge 17 oıynshy engizdi.