EURO-2026: Qazaqstan fýtzal quramasynyń Italııamen kezdesýi qaıda ótetini anyqtaldy
ASTANA. KAZINFORM — Fýtzaldan 2026 jylǵy Eýropa chempıonatyna irikteýdiń pleı-off kezeńindegi Qazaqstan quramasynyń Italııaǵa qarsy eki oıynynyń qaıda ótetini jáne ýaqyty belgili boldy.
Aldymen otandastarymyz 18 qyrkúıekte qazaqstandyq ýaqytpen 23:55–te syrt alańda Italııanyń Fazano qalasynda kezdesse, odan keıin 23 qyrkúıekte 19:30–de olardy Astanadaǵy J.Úshkempirov atyndaǵy jekpe-jek saraıynda qabyldaıdy.
El quramasy 2026 jylǵy Eýropa chempıonatynda óz tobynda ekinshi oryndy mise tutty.
Aldymen Albanııany 2:0 esebimen jeńse, odan keıin Armenııamen 4:4 esebimen teń oınady.
Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tússe, dál sondaı eseppen syrt alańda Armenııaǵa ese jiberdi.
Osylaısha qurlyqtyq dodaǵa tikeleı shyǵý múmkindigin joǵaltyp aldy. Bul topta 16 upaımen birinshi orynǵa Armenııa quramasy taban tiredi.
Aıta ketsek, UEFA atqarýshy komıteti bıyl Eýropa chempıonaty ótkizýge baılanysty arnaıy sheshim qabyldady.
Buǵan deıin týrnırdi birlesip qabyldaıtyny belgili bolǵan Latvııa men Lıtva óz mártebesin saqtap qaldy.
Al Slovenııa úshinshi qabyldaýshy el retinde bekitildi.