EURO-2026: Qazaqstan fýtzal quramasy irikteý kezeńiniń ótpeli oıyndaryna qatysady
ASTANA. KAZINFORM — Fýtzaldan Qazaqstan quramasy 2026 jylǵy Eýropa chempıonaty irikteý kezeńiniń ótpeli oıyndaryna joldama aldy.
Aıta ketsek, el quramasy 2026 jylǵy Eýropa chempıonatynda óz tobynda ekinshi oryndy mise tutty.
Olar irikteý kezeńinde alty oıyn ótkizdi. Aldymen Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tússe, dál sondaı eseppen syrt alańda Armenııaǵa ese jiberdi.
Osylaısha qurlyqtyq dodaǵa tikeleı shyǵý múmkindigin joǵaltyp aldy. Bul topta 16 upaımen birinshi orynǵa Armenııa quramasy taban tiredi.
El quramasy Eýropa chempıonatynyń irikteý kezeńinde ekinshi oryn alǵan quramalardyń tiziminde úzdik segizdiktiń qatarynan tabyldy. Bul Eýropa chempıonatynyń fınaldyq kezeńine shyǵý úshin talasty jalǵastyrýǵa múmkindik berdi.
Ótpeli matchtardyń jerebesi 15 mamyr kúni tartylyp, Qazaqstan quramasynyń qarsylasy anyqtalady. Al ótpeli oıyndar bıyl 15-24 qyrkúıek kúnderi aralyǵynda ótedi.
2026 jylǵy Eýropa chempıonatynyń fınaldyq kezeńin 20 qańtar-7 aqpan aralyǵynda Latvııa jáne Lıtvada bolady.
Eske salsaq, fýtzaldan Qazaqstan ulttyq quramasy eki joldastyq kezdesýde Vetnamnan 1:4 esebimen jeńilip, 2:2 esebimen teń tústi.