Euro-2026: fýtzaldan Qazaqstan quramasynyń irikteý týrnırindegi oıyn kestesi belgili boldy

ASTANA. KAZINFORM - Fýtzaldan Qazaqstan quramasynyń 2026 jylǵy Eýropa chempıonaty irikteý týrnırinde oıyn kestesi belgili boldy.

El quramasy altynshy topta Armenııa, Danııa jáne Albanııamen sheberlik baıqasady. Top jeńimpazy Eýropa chempıonatyna tikeleı joldama alady. Ekinshi oryn alǵandardyń ishinen 8 úzdik qurama ótpeli match oınaıdy.

Іrikteý kezeńinde el quramasy 13 jeltoqsanda syrt alańda Albanııamen kezdesse, 18 jeltoqsanda óz alańynda Armenııany qabyldaıdy.

Al 2025 jyldyń 1 aqpanynda syrt alańda Danııamen oınasa, odan keıin atalǵan quramamen óz alańynda 5 aqpanda sheberlik baıqasady.

Sondaı-aq, 7 naýryzda óz alańynda Albanııany qabyldasa, 12 naýryzda Armenııa quramasyna qonaqqa barady.

Іrikteý keezńi 2024 jyldyń 13 jeltoqsany men 2025 jyldyń 12 naýryzy aralyǵynda bolady.

Fınaldyq kezeń 2026 jyldyń 18 qańtary men 8 aqpany aralyǵynda Lıtvanyń Rıga jáne Kaýnas qalalarynda ótedi.

Aıta ketsek, ulttyq quramanyń bas bapkeri Paýlo Rıkardo Kaka kelisimshart merzimin 2026 jylǵa deıin uzartty.

Eske salsaq, Paýlo Rıkardo Kaka Qazaqstan quramasyn 2018 jyldan beri jattyqtyryp keledi. Onyń jetekshiligimen bizdiń qurama 2021 jylǵy álem chempıonatynda tórtinshi oryn aldy.

Eske salsaq, budan buryn Qazaqstan quramasy fýtzaldan ÝEFA reıtınginde joǵarylady.