Euro-2026: Fýtzaldan Qazaqstan quramasynyń irikteý satysyndaǵy qarsylastary kimder

ASTANA. KAZINFORM — Fýtzaldan Qazaqstan quramasynyń 2026 jylǵy Eýropa chempıonaty irikteý satysyndaǵy qarsylastary anyqtaldy.

Shveıtsarııa astanasy Non qalasynda 2026 jylǵy Eýropa chempıonatynyń irikteý kezeńiniń jerebesi tartyldy. Qazaqstandyq fýtzalshylar altynshy topta Armenııa, Danııa jáne Albanııa quramalarymen oınaıdy.

Qurlyqtyq doda 2026 jyldyń 18 qańtary men 8 aqpany aralyǵynda Lıtva jáne Latvııada ótedi. Іrikteý týrnıri 2024 jyldyń 9 jeltoqsanynda bastalady. Іrikteý satysynda quramalar árbir qarsylasymen óz jáne syrt alańda eki oıyn ótkizedi.

Alǵashqy eki týr 2024 jyldyń 9-18 jeltoqsan aralyǵynda bolsa, 3-4 týr 2025 jyldyń 27 qańtar — 5 aqpan, 5-6 týr 7-16 sáýir kúnderine belgilengen.

Eske salsaq, budan buryn fýtzaldan álem chempıonaty fınaldyq satysyndaǵy Qazaqstan quramasynyń qarsylastary anyqtaldy.

Dúbirli doda bıylǵy jyldyń 14 qyrkúıek-6 qazan aralyǵynda Ózbekstannyń Tashkent, Buhara jáne Ándijan qalalarynda bolady.

El quramasy D tobynda synǵa túsedi. Qarsylastary — Ispanııa, Jańa Zelandııa jáne Lıvııa quramalary.