EURO-2026: Fýtzaldan Qazaqstan quramasy Danııadan ese qaıtardy
ASTANA. KAZINFORM - Búgin fýtzaldan Qazaqstan ulttyq quramasy 2026 jylǵy Eýropa chempıonatynyń irikteý kezeńindegi tórtinshi oıynyn Danııaǵa qarsy ótkizdi.
El quramasy altynshy topta Armenııa, Danııa jáne Albanııamen sheberlik baıqasady.
Kezdesý barysynda el quramasy birinshi kezeńde tórt gol soqty. Oıynnyń 1-mınýtynda Danııa quramasy óz qaqpasyna avtogol soqsa, odan keıin Dýglas Jýnıor 1, 8, Aqjol Dáribaı 6-mınýtta taǵy úsh márte qaqpany dál kózdedi. Oǵan danııalyq fýtzalshylar úsh golmen jaýap berdi.
Ekinshi kezeńde el quramasy tizgindi óz qolyna ustaýǵa tyrysty. Nátıjesinde Azat Valıýllın 28, Damır Qaıyrbaı 32, Dáýren Tursaǵulov 35-mınýtta mergendik tanytty. Osylaısha Qazaqstan quramasy qarsylasynan 7:3 esebimen basym tústi.
Sondaı-aq búgin saǵat 23:00 -de atalǵan topta Albanııa men Armenııa quramalary kezdesedi.
El quramasy budan keıin 7 naýryzda óz alańynda Albanııany qabyldasa, 12 naýryzda Armenııa quramasyna qonaqqa barady.
Aıta ketsek, budan buryn el quramasy irikteý kezeńiniń alǵashqy oıynynda Albanııany 2:0 esebimen jeńip, odan keıin Armenııamen 4:4 esebimen teń oınasa, Danııadan 2:3 esebimen jeńilip qaldy. Sondaı-aq búgin fýtzaldan Qazaqstan quramasy Danııamen qarymta kezdesý ótkizetinin jazǵan edik.