EURO-2026: Fýtzaldan Qazaqstan quramasy búgin Albanııamen kezdesedi
ASTANA. KAZINFORM — Búgin fýtzaldan Qazaqstan ulttyq quramasy 2026 jylǵy Eýropa chempıonatynyń irikteý kezeńindegi besinshi oıynyn Albanııaǵa qarsy ótkizedi.
Eki qurama arasyndaǵy kezdesý qazaqstandyq ýaqytpen 18:50–de bastalyp, «Qazsport» telearnasynan tikeleı efırde kórsetiledi.
Bul kezdesýge jaraqatyna baılanysty Leo Igıta men Dýglas Jýnıor shaqyrylǵan joq. Tizimge 16 oıynshy engizilgen.
Aıta ketsek, qazirge deıin el quramasy irikteý kezeńinde tórt oıyn ótkizdi. Aldymen Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi.
Qazaqstandyq fýtbolshylar altynshy topta synǵa túsip jatyr. Qazir týrnır kestesinde tórt týrdan keıin on upaımen Armenııa birinshi orynda tursa, odan keıingi oryndaǵy Qazaqstannyń enshisinde jeti upaı bar.
Ár topta birinshi oryn alǵan quramalar qurlyqtyq dodaǵa tikeleı joldama alsa, ekinshi oryndaǵy quramalar qosymşa joldamalarǵa talasady.
El quramasy Eýropa chempıonatynda 2005 jyldan beri baq synap keledi. 2016 jyly úshinshi oryn alsa, 2018 jyly tórtinshi orynǵa turaqtady.