EURO-2026: Fýtzaldan Qazaqstan quramasy alǵashqy oıynda Italııadan jeńildi
ASTANA. KAZINFORM — Fýtzaldan Qazaqstan ulttyq quramasy búgin Italııamen 2026 jylǵy Eýropa chempıonatyna irikteý kezeńi pleı-off satysyndaǵy alǵashqy oıynyn ótkizdi.
Bul kezdesýge Qazaqstan quramasy sapynda birqatar oıynshynyń shyǵa almaıtyny belgili boldy. Sary qaǵazdyń kóptigine baılanysty Birjan Orazov pen Leo, jaraqaty saldarynan Jahangır Rashıt aldaǵy oıynda quramaǵa kómektese almaıdy. Esesine jaraqatynan aıyqqan Albert Aqbalyqovtyń alańǵa shyǵýyna múmkindik aldy.
Kezdesý barysynda ıtalııalyq qurama belsendi bastady. Oıynnyń 15, 29-mınýtynda olar eki gol soǵyp úlgerse, oǵan 32-mınýtta qazaqstandyq Shyńǵys Esenamanov bir golmen jaýap qaıyrdy.
Osylaısha Qazaqstan quramasy alǵashqy oıynda qarsylasyna 1:2 esebimen ese jiberdi.
Endi qarymta kezdesý 23 qyrkúıekte qarymta kezdesý Astanada bolady.
El quramasy 2026 jylǵy Eýropa chempıonatynda óz tobynda ekinshi oryndy mise tutty.
Aldymen Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tússe, dál sondaı eseppen syrt alańda Armenııaǵa ese jiberdi.
Osylaısha qurlyqtyq dodaǵa tikeleı shyǵý múmkindigin joǵaltyp aldy. Bul topta 16 upaımen birinshi orynǵa Armenııa quramasy taban tiredi.