EURO-2026: Fýtzaldan Qazaqstan quramasy Albanııadan basym tústi

ASTANA. KAZINFORM - Búgin fýtzaldan Qazaqstan ulttyq quramasy 2026 jylǵy Eýropa chempıonatynyń irikteý kezeńindegi besinshi oıynyn Albanııaǵa qarsy ótkizdi.

Kezdesý barysynda qazaqstandyq oıynshylar jyldam gol soǵýǵa tyrysty. Nátıjesinde Damır Qaıyrbaı 7-mınýtta esep ashsa, odan keıin Leo Jaragýa 8, 17-mınýtta eki márte mergendik tanytty.

Ekinshi kezeńniń bastapqy ýaqytynda albanııalyq oıynshylar belsendiligi baıqaldy. Oıynnyń 24-mınýtynda olar esep aıyrmasyn qysqartty.

Al 26-mınýtta qazaqstandyq quramanyń kapıtany Shyńǵys Esenamanovtyń alystan tepken doby qaqpa torynda týlap jatty.

Oıynnyń 38-mınýtynda albanııalyq fýtzalshylar taǵy bir márte gol soqty.

Osylaısha Qazaqstan quramasy qarsylasynan 4:2 esebimen basym tústi.

Qazaqstandyq fýtbolshylar altynshy topta synǵa túsip jatyr. Qazir týrnır kestesinde tórt týrdan keıin on upaımen Armenııa birinshi orynda tur. Bes oıynnan keıin Qazaqstannyń upaıy olarmen teńesti.

Endi 8 naýryzda Albanııa syrt alańda Danııamen sheberlik baıqasady.

Qurlyqtyq dodanyń fınaldyq satysyna tikeleı beriletin jalǵyz joldama taǵdyry 12 naýryzda ótetin Armenııa jáne Qazaqstan kezdesýinde sheshiledi.

Eske salsaq, budan buryn fýtzaldan Qazaqstan ulttyq quramasy 2026 jylǵy Eýropa chempıonatynyń irikteý kezeńindegi tórtinshi oıynyn Danııany jeńdi.