EURO-2025: Qazaqstandyq jastar óz tobynda úshinshi oryn aldy

ASTANA. KAZINFORM — Fýtzaldan Qazaqstannyń 19 jasqa deıingi jastar quramasy 2025 jylǵy Eýropa chempıonatynyń irikteý kezeńin jeńispen aıaqtady.

Úshinshi kezdesýinde qazaqstandyq oıynshylar Belarýspen sheberlik baıqasty.

Kezdesý barysynda el quramasynan Álıhan Hasen men Álmerek Tileýbergen gol soqsa, oǵan belarýstik fýtzalshylar bir golmen jaýap qaıyrdy.

Osylaısha qazaqstandyq jastar qarsylasyn 2:1 esebimen jeńip, irikteý kezeńinde úshinshi orynǵa turaqtady.

Aıta ketsek, budan buryn otandastarymyz Frantsııa men Portýgalııadan 1:3 esebimen jeńilip qalǵan edi.

Qurlyqtyq doda qazaqstandyq jastar tómendegi quramda oıyn kórsetti.

Qaqpashylar: Ásker Naýryzbaev («Baıterek»), Artýr Galıhanov («Aıat»);

Alańdaǵy oıynshylar: Georgıı Kalachev («Tulpar»), Alıazız Kamalov, Álıhan Hasen, Saıfýlla Kospanov (barlyǵy — «Aqtóbe»), Álimjan Seıittnur («Jetisý»), Nurmuhamed Ismaıylov, Zaýr Gaıdarjı (ekeýi — «Aıat»), Dıas Nyshanov («Ordabasy»), Álmerek Tileýbergen («Qaırat»), Semen Tarasenko («Tıýmen», Reseı).