Euro-2025: Qazaqstan jastar jáne jasóspirimder quramalarynyń qarsylastary anyqtaldy

ASTANA. KAZINFORM - Shveıtsarııanyń Non qalasynda 17 jasqa deıin jasóspirimder quramalary arasyndaǵy 2025 jyldyń Eýropa chempıonaty irikteý kezeńiniń jerebesi tartyldy.

Elimizdiń 17 jasqa deıin jasóspirimder quramasy tórtinshi topta Belgııa, Ýkraına jáne Kosovomen baq synaıdy. Oıyndar qaıda ótetini aldaǵy ýaqytta belgili bolady.

Іrikteý kezeńinen irkilmeı ótken jeńimpazdar 2025 jyly Albanııada ótetin fınaldyq satysynda baq synaıtyn bolady.

Sondaı-aq, 2025 jylǵy Eýropa chempıonatynyń irikteý týrnırinde 19 jasqa deıingi Qazaqstan jastar quramasy birinshi topta Ýkraına, Nıderland jáne Slovenııamen kezdesedi.

Fınaldyq kezeń 2025 jyldyń jazynda Rýmynııada ótkiziledi. 

Eske salsaq, budan buryn fýtboldan birinshi lıgada «Kaspıı» tórt oıynnyń barlyǵynda jeńiske jetti.