EURO-2025: Qazaqstan jastar quramasy Nıderlandqa ese jiberdi

ASTANA. KAZINFORM - Fýtboldan elimizdiń 19 jasqa deıingi jastar quramasy 2025 jylǵy Eýropa chempıonatyna irikteý kezeńinde Nıderlandqa jol berdi.

Qazaqstandyq jastar birinshi topta synǵa túsip jatyr. Qarsylastary - Nıderland, Ýkraına jáne Slovenııa quramalary.

Búgingi kezdesýde nıderlandtyq fýtbolshylar Qazaqstan qaqpasyna jaýapsyz eki gol soqty. Saldarynan bizdiń jastar qarsylasyna 0:2 esebimen jeńilip qaldy. 

Endi olardyń aldaǵy oıyny 19 qarashada saǵat 23:00-de Slovenııaǵa quramasyna qarsy ótedi. 
Aıta ketsek, budan buryn qazaqstandyq jastar Ýkraınany 2:1 esebimen jeńgen edi.

Eske salsaq, budan buryn FIFA 2025 jylǵy klýbtar arasyndaǵy álem chempıonatynyń kýbogyn tanystyrdy.

Kýbok 5 jeltoqsanda Maıamıde ótetin týrnırdiń jerebe tartý rásimi kezinde kópshilikke kórsetiledi.