EURO-2025: Qazaqstan jastar quramasy ekinshi márte jeńilip qaldy
ASTANA. KAZINFORM — Fýtzaldan Qazaqstannyń 19 jasqa deıingi jastar quramasy 2025 jylǵy Eýropa chempıonatynyń irikteý kezeńindegi ekinshi oıynyn Portýgalııaǵa qarsy ótkizdi. Kezdesý barysynda portýgalııalyq quramadan Afonsý Moýrınıa (14, 33-mınýtta) eki gol soqsa, taǵy bir goldy Leonıldý Balde 38-mınýtta penaltıden engizdi.
Oǵan qazaqstandyq Semen Tarasenko 32-mınýtta penaltıden bir golmen jaýap berdi.
Osylaısha jastarymyz qarsylasyna 1:3 esebimen ese jiberip qoıdy. Olar budan buryn dál osyndaı eseppen Frantsııaǵa jol bergen edi.
Eki oıynnan keıin upaı ala almaǵan qazaqstandyq jastar qurlyqtyq doda fınaldyq kezeńine beriletin joldamadan qur qaldy. Ony Portýgalııa men Frantsııa ózara sarapqa salady. Ekeýi de alǵashqy eki týrda upaı joǵaltqan joq.
Endi otandastarymyz erte, 30 naýryzda Belarýspen sheberlik baıqasady.