EURO-2025: Qazaqstan qyzdar quramasy Maltamen teń tústi
ASTANA. KAZINFORM — Fýtboldan Qazaqstan 19 jasqa deıin qyzdar quramasy 2025 jylǵy Eýropa chempıonaty irikteý kezeńinde ekinshi oıynyn Maltaǵa qarsy ótkizdi.
Eki qurama toqsan mınýt boıy bir-biriniń qaqpasynan sańylaý taba alǵan joq. Qarsylastar 0:0 esebine qanaǵat bildirdi. Qazaqstandyq fýtbolshylar irikteý kezeńindegi alǵashqy upaıyna qol jetkizdi.
Aıta ketsek, budan buryn olar Latvııadan 1:3, Kosovodan 1:2 esebimen utylyp qaldy.
Nátıjesinde qazaqstandyq fýtbolshylar bir upaımen óz tobynda tórtinshi oryndy mise tutty.
Árbir topta birinshi oryn alǵan quramalar aldaǵy maýsymda A lıgasynda baq synaıdy. Sondaı-aq Polshada ótetin fınaldyq kezeńge qatysýǵa mmúmkindik alady.
Qazaqstandyq fýtbolshylar birinshi irikteý kezeńinde Rýmynııa men Latvııamen 0:0 esebimen teń oınasa, Lıhtenshteınnen 7:0 esebimen basym tústi.