EURO-2025: Qazaqstan qyzdar quramasy ekinshi oıynda jeńildi
ASTANA. KAZINFORM - Fýtboldan Qazaqstan 19 jasqa deıin qyzdar quramasy 2025 jylǵy Eýropa chempıonaty irikteý kezeńinde ekinshi oıynyn Kosovoǵa qarsy ótkizdi.
Kezdesý barysynda qazaqstandyq Jansezim Aısapar esep ashqan edi. Degenmen el quramasy ekinshi taımda jaýapsyz eki gol ótkizip aldy. Oıynnyń 89-mınýtynda qorǵaýshy Karına Botabek ekinshi sary qaǵaz alyp, alańnan qýyldy.
Osylaısha qarsylasyna 1:2 esebimen ese jiberip, ekinshi márte jeńilistiń aşy dámin tatty.
Aıta ketsek, budan buryn olar Latvııaǵa 1:3 esebimen utylyp qaldy. Bizdiń quramadan Adına Beıbit gol soqty.
Endi olar 7 sáýirde Maltamen sheberlik baıqasady.
Árbir topta birinshi oryn alǵan quramalar aldaǵy maýsymda A lıgasynda baq synaıdy. Sondaı-aq Polshada ótetin fınaldyq kezeńge qatysýǵa mmúmkindik alady.
Qazaqstandyq fýtbolshylar birinshi irikteý kezeńinde Rýmynııa men Latvııamen 0:0 esebimen teń oınasa, Lıhtenshteınnen 7:0 esebimen basym tústi.