Euro-2025: Fýtboldan Qazaqstan jastar quramasy Vengrııaǵa ese jiberdi

ASTANA. KAZINFORM - Búgin fýtboldan 21 jasqa deıingi Qazaqstan jastar quramasy 2025 jylǵy Eýropa chempıonaty irikteý satysynda syrt alańda Shotlandııamen kezdesti.

Qazaqstandyq fýtbolshylar V tobynda synǵa túsedi. Qarsylastary - Ispanııa, Shotlandııa, Belgııa, Vengrııa jáne Malta quramalary.

Kezdesý barysynda vengrııalyq fýtbolshylar saýatty oınaı bildi. Oıynda qorǵanys shebinde laıyqty toıtarys berip, shabýylda qaqpany dál kózdeı aldy.

Oıynnyń 34-mınýtynda vengrııalyq Mark Koshnovskıı esep ashsa, Botond Vaıda 46, Agoston Beneı 93-mınýtta mergendigimen kózge tústi.

Osylaısha qazaqstandyq jastar qarsylasyna 0:3 esebimen jol berdi.

Qazirge deıin el quramasy bes oıyn ótkizip úlgerdi. Onyń ishinde Vengrııaǵa 0:2, Belgııaǵa 0:1, Ispanııaǵa 0:4 esebimen jol berdi.

Odan keıin Maltany 2:0 esebimen tize búktirse, Shotlandııaǵa 1:4 esebimen ese jiberdi.

Endi qazaqstandyq fýtbolshylar aldaǵy oıyndaryn 5 qyrkúıekte Malta, 10 qyrkúıekte Belgııa quramalaryna qarsy ótkizedi.