Euro-2025: Fýtboldan Qazaqstan jastar quramasy Shotlandııadan jeńildi

ASTANA. KAZINFORM - Búgin fýtboldan 21 jasqa deıingi Qazaqstan jastar quramasy 2025 jylǵy Eýropa chempıonaty irikteý satysynda syrt alańda Shotlandııamen kezdesti.

Kezdesý barysynda shotlandııalyq fýtbolshylar birden shabýylǵa kóshti. Oıynnyń 19-mınýtta Djosh Doıg esep ashsa, odan keıin 24-mınýtta Laıl Kemeron esepti belgiledi.

Oıynnyń 38-mınýtynda Tommı Konveı penaltıdi múlt jibermeı, Shotlandııa jastar quramasynyń basymdyǵyn arttyra tústi. Al shotlandııalyq Lıýıs Fıorını 55-mınýtta kózdegen nysanadan múlt ketken joq. Qazaqstandyq quramadan ıAn Trýfanov 68-mınýtta esep aıyrmasyn qysqartty. Osylaısha qazaqstandyq jastar qarsylasyna 1:4 esebimen ese jiberdi.

Qazaqstandyq fýtbolshylar V tobynda synǵa túsedi. Qarsylastary - Ispanııa, Shotlandııa, Belgııa, Vengrııa jáne Malta quramalary. Qazirge deıin el quramasy tórt oıyn ótkizip úlgerdi. Onyń ishinde Vengrııaǵa 0:2, Belgııaǵa 0:1, Ispanııaǵa 0:4 esebimen jol berdi. Al Maltany 2:0 esebimen tize búktirdi. Endi qazaqstandyq fýtbolshylar 26 naýryzda óz alańynda Vengrııany qabyldaıdy.

2025 jylǵy Eýropa chempıonatynyń fınaldyq satysy 12-29 maýsym aralyǵynda Slovakııada ótkiziledi.