Euro-2025: Búgin fýtboldan Qazaqstan jastar quramasy Shotlandııamen kezdesedi

ASTANA. KAZINFORM - Búgin fýtboldan 21 jasqa deıingi Qazaqstan jastar quramasy 2025 jylǵy Eýropa chempıonaty irikteý satysynda syrt alańda Shotlandııamen kezdesedi.

Kezdesý elorda ýaqytymen 23:50-de bastalyp, «Qazsport» saıtynda tikeleı efırde kórsetiledi.

Qazaqstandyq fýtbolshylar V tobynda synǵa túsedi. Qarsylastary - Ispanııa, Shotlandııa, Belgııa, Vengrııa jáne Malta quramalary. 

Qazirge deıin el quramasy tórt oıyn ótkizip úlgerdi. Onyń ishinde Vengrııaǵa 0:2, Belgııaǵa 0:1, Ispanııaǵa 0:4 esebimen jol berdi. Al Maltany 2:0 esebimen tize búktirdi.

Týrnır kestesinde 5 oıynnan keıin Ispanııa 13 upaımen kósh basynda tursa, odan keıingi oryndaǵy Shotlandııa men Belgııanyń 10 upaıy bar. Al Vengrııa 6 oıynnan keıin 7 upaı jınasa, Qazaqstan 3 upaımen 5-orynda keledi. Kósh sońynda turǵan Malta birde-bir upaı enshilegen joq.

Qazaqstandyq fýtbolshylar atalǵan oıynnan keıin 26 naýryzda óz alańynda Vengrııany qabyldaıdy.

2025 jylǵy Eýropa chempıonatynyń fınaldyq satysy 12-29 maýsym aralyǵynda Slovakııada ótkiziledi.

Eske salsaq, búgin fýtboldan Ulttar lıgasy pleı-off satysyndaǵy Qazaqstan jáne Grekııa arasynda match ótedi. 

Oıyn 21 naýryzdan 22-ne qaraǵan túni saǵat 00:35–te Qazaqstan jáne Qazsport telearnalarynan tikeleı efırde kórsetiledi.