Eýro-2024: túrkııalyq Arda Gıýler Ronaldýdyń rekordyn jańartty

ASTANA. KAZINFORM - Túrkııalyq fýtbolshy Arda Gıýler Eýropa chempıonatynyń tusaýkeser oıynynda gol soqqan Krıshtıaný Ronaldýdyń rekordyn jańartty.

Túrkııa fýtbolynyń juldyzy óz quramasynyń Grýzııamen kezdesýinde negizgi quramda jasyl alańǵa shyqty. Oıynnyń 65-mınýtynda mergendik tanytyp, óz quramasyn alǵa shyǵardy. Osylaısha ol qurlyqtyq doda tarıhynda tusaýkeser oıynynda gol soqqan eń jas fýtbolshy (19 jas, 114 kún) atandy.

Arda Gıýler bul golynyń arqasynda Portýgalııa quramasynyń shabýylshysy Krıshtıaný Ronaldýdyń jıyrma jyl saqtalǵan rekordyn jańartty.

Krıshtıaný Ronaldý 2004 jyly tusaýkeser oıynynda 19 jas, 128 kún tolǵan sátte Grekııa quramasyna gol soqqan edi.

Arda Gıýler 2005 jyldyń 25 aqpanynda dúnıege kelgen. 2021-2023 jyldarda túrkııalyq «Fenerbahche» komandasynyń namysyn qorǵasa, 2023 jyldan beri Ispanııanyń «Real Madrıd» komandasyna aýysty.

Eske salsaq, Túrkııa quramasy Grýzııany 3:1 esebimen jeńdi.