Euro-2024: Soltústik Irlandııa quramasy jaıly ne bilemiz
Soltústik Irlandııa quramasy alǵashqy matchyn 1882 jyly Anglııaǵa qarsy ótkizip, qarsylasyna 0:13 esebimen ese jiberdi. 1953 jylǵa deıin Irlandııa quramasy degen ataýmen týrnırlerge qatysty. Sol jyly FIFA «bir ataýmen eki quramanyń júrýine bolmaıdy» degen sheshim shyǵaryp, sodan keıin Soltústik Irlandııa quramasy ataýyna ıe boldy.
Olar 1958 jyly Shvetsııada ótken álem chempıonatyna qatysýǵa múmkindik aldy. Shırek fınalǵa deıin jetip, jankúıerlerin qýantty.
Toptyq kezeńde Germanııamen 2:2 esebimen teń tússe, Chehoslovakııadan 1:0 esebimen basym tústi. Al Argentınaǵa 1:3 esebimen ese jiberdi. Chehoslovakııamen birdeı upaı jınap, qosymsha oıynda olardan 2:1 esebimen basym tústi. Shırek fınalda Frantsııaǵa 0:4 esebimen ese jiberip, jarys jolyn aıaqtady.
1982 jyly álem chempıonaty fınaldyq satysynda birinshi toptyq kezeńde Ispanııany 1:0 esebimen jeńse, Gondýraspen 1:1, ıÝgoslavııamen 0:0 esebimen teń oınady. Ekinshi toptyq kezeńde Frantsııaǵa 1:4 esebimen jol berip, Avstrııamen 2:2 esebine qanaǵat bildirdi.
Toptyq týrnırde Chehoslovakııamen birdeı upaı jınap, qaıtalaý oıynda olardy 2:1 esebimen utty. Shırek fınalda Frantsııa quramasynan 0:4 esebimen utylyp qaldy. Soltústik Irlandııa bul týrnırde 6 gol soqty, sonyń beseýin Pıter Makparland soqty. 1982 jyly Ispanııada ótken álem chempıonatynda ekinshi toptyq kezeńde taǵy da Frantsııaǵa ese jiberdi — 1:4. 1986 jylǵy álem chempıonatynda toptan shyǵa almady.
1986 jylǵy álem birinshiliginde D tobynda Brazılııadan 0:3, Ispanııadan 1:2 esebimen jeńilse, Aljırmen 1:1 esebimen teń tústi.
Soltústik Irlandııa fýtbolshylary álem chempıonaty fınaldyq satysynda úsh márte baq synaǵanyna qaramastan Eýropa chempıonatynda úzdikter qataryna 2016 jyly ǵana qosyla aldy. S tobynda Germanııa men Polshaǵa 0:1 esebimen ese jiberse, Ýkraınany 2:0 esebimen súrindirdi.
Osylaısha barlyq toptar boıynsha úzdik úshtikte bolǵan quramalar qataryna qosylyp, shırek fınalda Ýelske 0:1 esebimen jol berdi.
Atalǵan qurama fýtbolshylarynyń basym bóligi Anglııa, Ýels, Shotlandııa, Belgııa chempıonattarynda oınaıdy.
Quramaǵa 2011-2020 jyldar aralyǵynda anglııalyq maman Maıkl O’Nıll jetekshilik etti. Ol 2022 jyldan bastap qaıtadan tizgindi óz qolyna aldy.
FIFA-nyń sáýir aıynda jarııalaǵan reıtıngi boıynsha Soltústik Irlandııa quramasy 62-orynda tur. Al 2017 jyly olar bul reıtıngte 20-orynǵa deıin kóterilgen edi.
Aıta ketsek, 2024 jylǵy Eýropa chempıonatyna irikteý satysynda Soltústik Irlandııa - Qazaqstan matchynyń tikeleı kórsetilimi 19 maýsymnan 20-na qaraǵan túni Astana ýaqytymen saǵat 00:35-te bastalady. Ony «Qazsport» telearnasynan kórýge bolady.
Eske salsaq, 2024 jylǵy Eýropa chempıonaty irikteý satysynda Qazaqstan quramasy H tobynda úsh oıyn ótkizdi. Óz alańynda Slovenııadan 1:2 esebimen jeńilip, Danııany 3:2 esebimen tize búktirgen edi. Odan keıin syrt alańda San-Marınony 3:0 esebimen jeńdi.
Al Soltústik Irlandııa aldymen San-Marınony 2:0 esebimen jeńse, odan keıin Fınlıandııa men Danııadan 0:1 esebimen jeńilip qaldy.
