EURO 2024: Slovenııa men Qazaqstan kezdesýinde 1000-ǵa tarta qazaqstandyq jankúıer bolady

Fýtboldan 2024 jylǵy Eýropa chempıonatyna irikteý satysy segizinshi týryndaǵy Slovenııa men Qazaqstan kezdesýinde 1000-ǵa tarta qazaqstandyq jankúıer bolady, dep habarlaıdy Kazinform.

Slovenııa — Qazaqstan kezdesýi 20 qarashadan 21-ne qaraǵan túni Qazaqstan jáne Qazsport telearnalarynan saǵat 1:45–te kórsetiledi.

Atalǵan kezdesýge el quramasynan jaraqatyna baılanysty Ashat Taǵybergen, Baýyrjan Islamhan, Mıhaıl Gabyshev, Bahtıer Zaınýtdınov qatysa almaıdy.

Sondaı-aq, bul oıynǵa UEFA prezıdenti Aleksander Cheferın keledi dep kútilip otyr.

Bul kezdesýde avstrııalyq tóreshiler brıgadasy qyzmet atqarady.

Atalǵan kezdesýde bas tóreshi qyzmetin Harald Lehner atqarady. Oǵan otandastary Andreas Haıdenraıh pen Stefan Pıhler kómekshi bolady. Qosalqy tóreshi de avstrııalyq Sebastıan Gıshamer.