EURO 2024: Slovenııa - Qazaqstan kezdesýi qaı telernadan kórsetiledi
Fýtboldan Qazaqstan quramasynyń 2024 jylǵy Eýropa chempıonatynyń irikteý kezeńi aıasynda Slovenııa quramasymen kezdesýiniń qaı telearnadan kórsetiletini belgili boldy, dep habarlaıdy Kazinform.
Atalǵan kezdesý 20 qarashadan 21-ne qaraǵan túni «Qazaqstan» jáne «Qazsport» telearnalary arqyly saǵat 1:45-te kórsetiledi.
El quramasy H tobynda 9 oıynnan keıin 18 upaı jınap, úshinshi orynda tur. Bul topta Danııa 22 upaı jınap, qurlyqtyq dodanyń fınaldyq satysyna bir týr buryn joldama aldy.
Endi ekinshi joldama taǵdyry Slovenııa men Qazaqstan kezdesýinde sheshiledi.
Qazaqstandyq fýtbolshylar 23 naýryzda elordada ótken oıynda atalǵan qarsylasyna 1:2 esebimen ese jiberdi.
Qazirge deıin qurlyqtyq dodanyń fınaldyq satysyna Frantsııa, Portýgalııa, Belgııa, Ispanııa, Shotlandııa, Túrkııa, Anglııa, Aýstrııa, Vengrııa, Slovakııa, Albanııa, Danııa, Nıderland, Shveıtsarııa, Rýmynııa, Serbııa quramalary shyqty. Al Germanııa uıymdastyrýshy el retinde irikteýsiz qatysady.
Eýropa chempıonaty 2024 jyldyń 14 maýsymy men 14 shildesi aralyǵynda Gremanııada ótkiziledi.
Eske salsaq, budan buryn Slovenııa men Qazaqstan matchyna tóreshiler belgilendi.
