Euro-2024: San-Marıno – Qazaqstan kezdesýine tóreshiler belgilendi

ASTANA. QazAqparat – Fýtboldan 2024 jylǵy Eýropa chempıonatyna irikteý satysyndaǵy San-Marıno jáne Qazaqstan quramalary kezdesýine tóreshiler belgilendi, dep habarlaıdy QazAqparat tilshisi.

Bul kezdesýde grekııalyq Anastasıos Papapetrýs bas tóreshi qyzmetin atqarady. Oǵan otandastary Trıfon Petropýlos pen Iordanıs Aptosoglý kómek jasaıdy.

San-Marıno – Qazaqstan matchy maýsymnyń 16-synan 17-ine qaraǵan túni elorda ýaqytymen 00:35-de bastalady. Kezdesý «Qazsport» telearnasynan tikeleı efırde kórsetiledi.

Quramalar H tobynda oıyn kórsetedi. Qarsylastary – Slovenııa, Danııa, Soltústik Irlandııa, Fınlıandııa.

Qazirge deıin qazaqstandyq fýtbolshylar óz alańynda Slovenııadan 1:2 esebimen jeńilip, Danııany 3:2 esebimen tize búktirgen edi.