Euro 2024: Portýgalııa Lıýksembýrgti 9:0 esebimen jeńdi
ASTANA. QazAqparat - Fýtboldan 2024 jylǵy Eýropa chempıonatyna irikteý satysynyń altynshy týryndaǵy ekinshi oıyn kúni aıaqtaldy, dep habarlaıdy QazAqparat tilshisi.
Bul kúni J tobynda Portýgalııa quramasy óz alańynda Lıýksembýrg quramasyn qabyldady.
Lıýksembýrgtik fýtbolshylar sońǵy jyldarda jaqsy oıyn órnegin kórsetip keledi. Bıylǵy jyly da sol qarqynda joǵary nátıjege qol jetkizip otyr. Qazirge deıin 10 upaı jınap, týrnır kestesinde úshinshi orynda kele jatqan edi.
Biraq búgingi kezdesýde azýly qarsylasyna laıyqty qarsylyq kórsete alǵan joq. Tájirıbeli portýgalııalyqtar Lıýksembýrg fýtbolshylaryn oısyrata jeńdi.
Kezdesý barysynda portýgaldyq Gonsalý Inasıý - 12, 45, Gonsalý Ramýsh - 18, 34, Dıogý Jota - 57, 77, Rıkardý Orta - 67, Brýný Fernandesh - 83, Joao Felıks 88-mınýtta mergendik tanytty.
Osylaısha Portýgalııa 9:0 esebimen jeńiske jetti.
Sondaı-aq atalǵan topta Slovakııa Lıhtenshteındi 3:0, Islandııa men Bosnııa jáne Gertsogovınany 1:0 esebimen jeńdi.
Al D tobynda óz alańynda Armenııa Horvatııaǵa 0:1, Latvııa Ýelske 0:2 esebimen ese jiberdi.
Eske salsaq, 11 qyrkúıekte Qazaqstan quramasy óz alańynda Soltústik Irlandııadan basym tústi.
