Euro 2024: Qazaqstan jáne Fınlıandııa kezdesýine tóreshiler belgilendi

ASTANA. QazAqparat - Fýtboldan 2024 jylǵy Eýropa chempıonaty irikteý satysyndaǵy Qazaqstan jáne Fınlıandııa kezdesýinde qyzmet atqaratyn tóreshiler belgili boldy, dep habarlaıdy QazAqparat tilshisi.

Qazaqstan jáne Fınlıandııa kezdesýi 7 qyrkúıekte elorda ýaqytymen 20:00-de «Astana-Arena» stadıonynda ótkiziledi.

Oıyn «Qazsport» telearnasynan tikeleı efırde kórsetiledi.

Bas tóreshi - rýmynııalyq Radý Petreský. Oǵan otandastary Radý Gıngýlıak pen Mırcha Grıgorıý kómekshilik jasaıdy. Qosalqy tóreshi de rýmynııalyq Martsel Bırsan.

Aıta ketsek, Radý Petreský bir jyl buryn Ulttar lıgasynda Qazaqstan quramasynyń Belarýske (2:1) kezdesýinde qosalqy tóreshi qyzmetin atqardy.

Qazaqstan men Fınlıandııa qazirge deıin bes márte kezdesip úlgerdi. Onyń bireýinde teń nátıje tirkelse, tórteýinde fınlıandııalyq fýtbolshylar jeńiske jetti.

Eske salsaq, budan buryn el quramasy tórt kezdesý ótkizdi. Qazaqstandyq fýtbolshylar Slovenııadan 1:2 esebimen jeńilse, Danııany (3:2), San-Marınony (3:0), Soltústik Irlandııany (1:0) esebimen qapy qaldyrdy.