EURO 2024: Qazaqstan tartysty oıynda Slovenııaǵa jol berdi
Fýtboldan 2024 jylǵy Eýropa chempıonatyna irikteý satysy segizinshi týryndaǵy Slovenııa men Qazaqstan kezdesýiniń birinshi kezeńi aıaqtaldy, dep habarlaıdy Kazinform.
Qazaqstan quramasynan jaraqatyna baılanysty Ashat Taǵybergen, Baýyrjan Islamhan, Mıhaıl Gabyshev, Bahtıer Zaınýtdınov kezdesýge qatysa alǵan joq.
Bas bapker Magomed Adıev alǵashqy mınýttan Shatskıı, Vorogovskıı, Alıp, Marochkın, Malyı, Bystrov, Orazov, Qýat, Beısebekov, Chesnokov, Samorodovqa senim artty.
Alǵashqy mınýttan slovenııalyq fýtbolshylardyń basymdyǵy baıqalyp turdy. Dese de oǵan qazaqstandyq qurama laıyqty qarsylyq kórsete bildi.
Oıynnyń 41-mınýtynda Igor Shatskııdiń qaqpasyna belgilengen penaltıden slovenııalyq Benıamın Sheshko múlt ketken joq.
Al 47-mınýtta Ramazan Orazov tarazy basyn teńestirdi. Budan keıin qazaqstandyq fýtbolshylar birneshe shabýyl uıymdastyrdy.
Oıynnyń 86-mınýtynda slovenııalyq Benıamın Verbıch qorytyndy esepti belgiledi.
Osylaısha Qazaqstan qarsylasyna 1:2 esebimen ese jiberdi. Qurlyqtyq dodanyń fınaldyq satysyna Slovenııa quramasy joldama aldy.
Qurlyqtyq doda irikteý satysynda qazaqstandyq fýtbolshylar Danııa (3:2) men Fınlıandııa (1:0) quramalaryn bir márte tize búktirse, Coltústik Irlandııa (1:0, 1:0) men San-Marıno (3:0, 3:1) quramalaryn eki márte jeńdi.
Al Danııa (1:3), Slovenııa (1:2), Fınlıandııaǵa (0:1) ese jiberip qoıdy.
Endi Qazaqstan quramasy Eýropa chempıonaty fınaldyq satysyna Ulttar lıgasy arqyly shyǵýyna múmkindigi bar. Bul joly qazaqstandyq fýtbolshylar 2024 jyldyń naýryz aıynda Grekııamen sheberlik baıqasady.
Qazaqstandyq fýtbolshylar Eýropa chempıonaty irikteý satysynda besinshi márte baq synap otyr. 2008, 2012 jyldarda - 6, 2016, 2020 jyldarda - 5 oryn aldy.
Qazirge deıin qurlyqtyq dodanyń fınaldyq satysyna Frantsııa, Portýgalııa, Belgııa, Ispanııa, Shotlandııa, Túrkııa, Anglııa, Aýstrııa, Vengrııa, Slovakııa, Albanııa, Danııa, Nıderland, Shveıtsarııa, Rýmynııa, Serbııa quramalary shyqty. Al Germanııa uıymdastyrýshy el retinde irikteýsiz qatysady.
