Euro-2024: Qazaqstan-Slovenııa kezdesýine tóreshiler belgilendi

ASTANA. QazAqparat - Fýtboldan 2024 jylǵy Eýropa chempıonaty irikteý satysyndaǵy Qazaqstan-Slovenııa kezdesýine tóreshiler belgilendi, dep habarlaıdy QazAqparat tilshisi.

El quramasy qurlyqtyq dodada H tobynda synǵa túsedi. Qarsylastary - Danııa, Slovenııa, Fınlıandııa, Soltústik Irlandııa jáne San-Marıno.

Qazaqstandyq fýtbolshylar 23 naýryzda elordada Slovenııa quramasyn qabyldaıdy.

Kezdesýde shvetsııalyq Glenn Nıýberg bas tóreshi qyzmetin atqarady. Oǵan otandastary Mahbod Beıdjı men Andreas Sederkvıst kómekshilik jasaıdy. Tórtinshi tóreshi de shvetsııalyq Krıstoffer Karlsson.

Al bas tóreshiniń vıdeokómekshisi jáne vıdeokómekshiniń assısenti qyzmetin Shveıtsarııadan kelgen Fedaıı San men Lıonel Chýdı atqarady.

Shvetsııalyq Glenn Nıýberg 34 jasta, ol 2016 jyldan beri FIFA-nyń arbıtri retinde toǵyzǵa jýyq ulttyq quramanyń halyqaralyq oıyndaryna tóreshilik jasady.